Para sedulur, sapa sing pirsa kembang gula utawa permen Davos? Buntele kertas biru tuwa, njerone dirangkepi kertas grenjeng? Tak kira generasi umur-umuran 30 tahun mudhun arang-arangan sing ngerti permen davos. Sing dingerteni mesthine ya permen relaxa, kiss, kopiko, fox. Suster-suster sepuh jaman biyen ana sing ngarani Davos iku permen ledhek. Mbok menawa wae ledhek utawa sindhen asring ngemut permen Davos supaya anget semriwing. Durung suwe iki ana layang akabr utawa koran sing nyritake yen usaha permen Davos wis bertahan 50 tahunan ing Purbalingga diprodhuksi PT Slamet Langgeng, sing dikelola turun-temurun lan lestari nganti seprene. Bisa uga jenenge numusi ya, slamet lan langgeng. Ana sing kandha nama adalah doa. Lha kok karyawane turun -temurun, biyen simbahne nyambutgawe neng kono, saiki anak lan putune tetep kerja neng Davos. Rumangsa cocok merga direngkuh kaya dene sedulur,mula nyambut gawene kanthi kepenak, ora kaya srawunge buruh lan juragan nanging kaya nyambut gawe neng ngomahe dhewe. Aku duwe crita sing ana sesambungane karo Davos peppermint mengkene. Sasi Agustus 2016 aku isih tugas ana ing seminari Tor Jangli wektu iku menthas ana pindah – pindhan. Rm Suharyono nampa tugas anyar dadi pastor kepala paroki Karangpasnas,dene tugas minangka socius TOR diganti Rm Dhani. Rm Djoko nampa ayahan anyar dadi rektor seminari tinggi Kentungan lan Rm Irawan ngganteni dadi rektor seminari TOr Jangli. Rm Djoko sementara tetep lenggah neng Jangli merga persiapan sabbatical. Wektu kuwi Rm Suharyono wis pindhah meyang Karangpanas. Sore iku Rm Dhani tindak blnja kebutuhan Domus Patrum lan kondure aku dioleh-olehi. “ini apa Romo?” pitakonku karo nampani buntelan. Jebul permen Davos sak plastik isi 10 bungkus. jenenge we oleh – oleh mesthine ya kaya kersane sing ngoleh-olehi. nanging wektu kuwi aku nyuwun pirsa apa sebabe milih permen Davos. Batinku, aku luwih seneng dioleh-olehi coklat je….. he he he. “Dulu Sr. Fransiska suka permen Daos. Mungkin Suster juga suka….” Ngendikane Rm.Dhani kanthi polos. “ooo gitu ya….terimakasih Romo.
